12 сентября ст.ст. (25 сентября) - день памяти праведного Симеона, Верхотурского чудотворца.
Святому праведному Симеону, Верхотурскому чудотворцу
Молитва
О святый и праведный Симеоне, чистою душою твоею в небесных обителях в лике Святых водворяйся, здесь же телом твоим нетленно почивай по данной те благодати от Господа молитися о нас, милостиво призри на нас многогрешных, аще и недостойно, обаче с верою и упованием притекающих к святым и цельбоносным мощам твоим, и испроси нам от Бога прощение согрешений наших, в няже впадаем множицею во вся дня живота нашего, и якоже прежде убо от очныя болезни ни мало зрети могущим исцеление очас, овым же близ смерти бышим от лютых испугов врачевание, и иным иная многия преславная благодеяния даровал еси: сице избави нас от недугов душевных и телесных и от всякой скорби и печали, и вся благая к настоящему житию нашему и вечному спасению благопотребная нам от Господа испроси, та тако твоим предстательством и молитвами стяжавше вся нам полезная, аще и недостойные, благодарно восхваляя тя, прославим Бога, дивнего во Святых Своих, Отца и Сына и Святаго Духа, ныне и присно, и во веки веков.
Аминь.*******
Свежие комментарии